Кыргызстан Ислам Университети
October 03, 2026


# Филология кафедрасынын студенттери «Ата-Бейит» мемориалдык комплексине барышты 2026-жылдын 3-октябрында илим, жогорку билим берүү жана инновациялар министрлигинин буйругуна ылайык, Кыргызстан Ислам университетинин Филология кафедрасынын 1–4-курстарынын кыздар тайпаларынын студенттери «Ата-Бейит» улуттук тарыхый-мемориалдык комплексине тарбиялык жана таанып-билүү экскурсиясына барышты. Иш-чара **кураторлор Нурипа устаза жана Малика устазанын** жетекчилиги астында уюштурулду. скурсиянын негизги максаты — студенттердин тарыхый аң-сезимин калыптандыруу, мекенчилдик сезимин арттыруу, кыргыз элинин тарыхый мурасын таанытуу жана улуттук баалуулуктарды урматтоого тарбиялоо. Зыярат учурунда студенттер кыргыз элинин тарыхындагы маанилүү окуялар, мамлекеттүүлүктүн өнүгүшүнө салым кошкон көрүнүктүү инсандар жана алардын тарыхый мурасы менен таанышышты. **Филология кафедрасынын жамааты** бул маанилүү тарбиялык иш-чаранын өткөрүлүшүнө финансылык колдоо көрсөткөн университеттин жетекчилигине, өзгөчө **Заир устазга** терең ыраазычылык билдирет. Мындай иш-чаралар студенттердин руханий-адептик жактан өнүгүшүнө, тарыхый эс тутумунун бекемделишине жана Мекенге болгон сүйүүсүнүн артылышына өбөлгө түзөт.